Dinaluhan ng ibat ibat paaralan sa Division ng Romblon ang 2016 Division Math Camp na ginanap sa Libertad National High School sa bayan ng Odiongan nitong October 10 hanggang 11.
Bukod sa mga kalahok galing sa elementarya at sekondarya ay kasali din ang Alternative Learning System (ALS) learners sa nasabing patimpalak na ito.
Matapos ang madugong Math Quiz sa araw ay binigyang kulay naman ang gabi ng taga ALS nang inirampa ang mga kalahok para sa Ginoo at Mutya ng ALS.
Nangibabaw ang palakpakan at hiyawan ng inirampa na ang mga costume nilang yari sa Recycled Materials at Indigenous Attire. Nagtagisan din sila sa Talent at casual dress.
Itinanghal na Ginoong ALS ang pambato ng Alcantara District at ang Mutya ng ALS ay ang binibini na nagmula naman sa Looc District.
Malugod naman na pinasinayahan ang okasyon ni Mayor Trina F. Fabic ng Odiongan na naging panauhing pandangal.
