Arestado sa ikinasang police operation ng Odiongan Municipal Police Station at 59th Infrantry Batallion ng Philippine Army ang isang di umano’y lalaking drug pusher.
Kinilala ang suspek na si Donnie John Santos, 33 taong gulang, at residente ng Sitio Riverside, Barangay Tulay, Odiongan, Romblon.
Naaresto si Santos sa kanyang pamamahayag sa bayan ng Odiongan matapos makuhaan ng 2 small size plastic sealed, 3 media size plastic sealed, at dalawang malaking sachet na lahat ay may lamang shabu at ilang drug paraphernalia.
Isinagawa ang nasabing police operation sa lugar ni Santos sa bisa ng isang search warrant na inilabas ng inalabas ng korte galing sa 5th Municipal Circuit Trial Court (MCTC) sa Odionganm Ferrol.
Ayon kay Police Senior Inspector Manul Fernandze Jr., ang nasabing suspek ay sumuko na sa Operation Tokhang ng pulisya ngunit na-monitor umano nila ag mga galaw ng suspek at ang pagbabalik nito sa masamang trabaho.
Mariin namang itinanggi ito ng suspek, aniya, 3-weeks na umano siyang hindi umuuwi sa bahay niya sa Tulay kaya laking gulat niya umano ng makita ang mga shabu sa kanyang bahay.
Makailang beses rin itong itinanggi ng suspek.
Nakakulong na siya ngayon sa Odiongan Municipal Police Station at nakatakdang kasuhan ng paglabag sa RA-916.