Nakipagpulong sa pamunuan ng Department of Tourism MIMAROPA si San Agustin Mayor Esteban Madrona Jr. nitong nakaraang araw upang mag-submit ng ilan umanong proposal para sa kanilang tourism projects sa bayan ng San Agustin.
Sa Facebook post ng Uswag San Agustin, kay mismong DOT MIMAROPA Regional Director Minerva Morada ipinasa ni Mayor Madrona ang mga papeles.
Matatandaang nitong nakaraang taon ay sunod-sunod na na-feature sa iba't ibang istasyon sa National Television ang ganda ng San Agustin lalo na ang ipinamamalaki nitong blue hole.
Malaking tulong para sa ekonomiya ng bayan ang pagkakaroon ng maraming bisita kapag nagkaroon pa ng madaming tourist attraction sa lugar lalo pa ngayong mahigpit na pinatutupad sa bayan ang pagbabawal sa paninigarilyo sa mga pampubliokng lugar.
