Inaresto ng mga tauhan ng Santa Fe Municipal Police Station ang isang lalaking wanted pala sa kasong illegal gambling matapos itong dumaan sa harapan ng kanilang istasyon nitong umaga ng Miyerkules.
Kinilala ang lalaki na si Bernard Marquez.
Ayon sa inilabas na press release ng Santa Fe Municipal Police Station, wanted si Marquez sa kasong paglabag sa PD No. 603 na inamyendahan ng RA 9287.
Nito lamang umanong September 05 inilabas ang warrant, ayon sa pulisya.
Agad namang dinala sa Odiongan District Jail ang suspek matapos na makuhaan ng dokumentasyon ng Santa Fe Municipal Police Station.
