Nahaharap sa kasong malversation of public funds sa pamamagitan ng falsication of public document sa Sandiganbayan ang dating Mayor ng Looc, Romblon na si Juliet Ngo Fiel.
Ayon sa Ombudsman na naghain ng kaso, pinayagan umano ni Fiel na sumahod ang isang laborer ng P1,250 galing sa public funds kahit na wala naman itong ginawang repair work sa Mayor’s Office noong 2009.
Kasama na kinasuhan ay ang dating Administrative Aide VI Gervacia Sta. Maria, dating Looc disbursing officer.
Isang Domingo Docog umano ang nakasulat sa payroll na inapprove ni Sta. Maria at Fiel, ngunit hindi naman umano nagtrabaho si Docog at hindi rin pinirmahan ang nasabing payroll.
Pinayagan naman mag piyansa ang dalawa.
Maliban dito, nahaharap rin si Fiel sa kasong graft kaugnay naman sa maanumalyang small-scale irrigation project na nagkakahalaga ng P8.9 million noong 2007.
