Arestado ang isang 21-anyos na lalaki sa bayan ng San Fernando kaninang madaling araw matapos makuhaan ng ilang sachet ng shabu sa isinagawang Search Operation sa bahay ng suspek sa Barangay Otod, San Fernando, Romblon.
Kinilala ang suspek na si Ken Khaled Brioso Rotoni, residente ng nasabing barangay at di umanoy isang drug personality ng nasabing munisipalidad.
Bandang 12:20AM umano kanina ng magsagawa ng operation ang mga tauhan ng San Fernando Municipal Police Station sa pangunguna ni Police Senior Inspector Elemer Fajel, kasama ang mga tauhan ng Criminal Investigation and Detection Group – 4B at RID sa bisa ng isang search warrant na nilabas ng RTC Branch 81 nitong September 13.
Nakuha sa bahay ng suspek ang tatlong pirasong heat sealed plastic sachet na may lamang pinaghihinalaang shabu, drug paraphernalia, isang weighing scale, ilang empty sachets, at isang rolyo ng aluminum foil.
Nakakulong na ang suspek sa San Fernando Municipal Police Station at inaasahang kakasuhan ng paglabag sa Section 11 at Section 12 ng Republic Act 9165 or ang Dangeroud Drugs Act of 2002.
