Sa bisa ng isang executive order ni Governor Eduardo Firmalo nitong Huwebes, opisyal ng binuo ang Provincial Anti-Drug Abuse Council (PADAC) ng lalawigan ng Romblon.
Batay sa nasabing executive order, ang nasabing konseho ay papangunahan ni Governor Firmalo bilang Chairman habang Vice Chairman naman si Police Senior Superintendent Juan Añonuevo Jr., Provincial Director ng Romblon Provincial Police Office.
Kasama rin sa konseho ay ang representative galing sa Department of Interior and Local Governor, Provincial Health Office, Provincial Information Office, Provincial Prosecutor's Office, mga religious heads, NGO's, at mga mamahayag.
Layunin ng grupo na i-supervised ang lahat ng action ng Municipal Anti-Drug Abuse Council (MADAC) sa lahat ng munisipyo sa lalawigan upang makamit ng probinsya ang layunin ng Gobernador na gawing zero-crime free ang lalawigan bago matapos ang taon.
Tinukoy na rin ng grupo ang mga maaring dahilan kung bakit napapasok sa paggamit ng iligal na droga ang mga Romblomanon at kung paano ito naipapasok sa mga pantalan.
Sa unang meeting rin ng konseho nitong Huwebes, sinurpresa ni Governor Firmalo ang lahat ng miyembro sa pamamagitan ng mandatory drug testing.
