Nahuli na nitong nakaraang Biyernes, July 29, ang umanoy mga suspek sa mga naireport na insidenting binubuksan at ninanakawan umano ang loob ng mga “u-box” ng mga motorsiklong naka park sa loob ng Romblon State University Main Campus sa Odiongan, Romblon.
Ayon kay Romblon State University Board Secretary, John Rufon, nahuli nila ito gabi ng biyernes habang nagaganap ang Search for Mr and Ms Supreme Student Council.
Hindi na nila ibinigay ang pangalan ng mga suspek upang bigyan ng pagkakataong makapag-bago.
Ayon pa kay Sec. John Rufon, isa sa mga suspek ay estudyante ng Romblon State University habang ang mga kasama naman niya ay nag-aaral ng high school sa ibang paaralan.
Isa sa mga nabiktima ng nasabing pagbubukas at pagnanakaw ng pera nito sa loob ay lumapit rin sa Romblon News Network .
Matatandaang nitong mga nakaraang buwan ay nagbabala rin ang Odiongan Municipal Police Station tungkol sa mga ganitong modus dahil sa sunod-sunod na lumapit sa kanilang himpilan sa ganitong reklamo.
Hindi lang umano ito sa loob ng Romblon State University Main Campus nangyayari, kundi maging sa labas.
