Tiklo sa buy bust operation ng Magdiwang Municipal Police Station at ng PDEA Romblon sa bayan ng Magdiwang sa Sibuyan Island ang isang di umanoy tulak ng shabu sa lugar.
Nakilala ang suspek na si Juven Dizon Fabellon, 43 taong gulang at residente rin ng parehong bayan.
Nakuha sa suspek ang 13 maliliit na pakete na pinaghihinalaang may lamang white crystalline substance o shabu na nakalagay sa lagayan ng posporo, dalawang 500 pesos, at isang cellphone.
Ayon kay Police Inspector Kim Badillo ng Magdiwang MPS, nakatakdang kasuhan ang suspek ng paglabag sa RA 9165 o Dangerous Drugs Act of 2002.
