Naging matagumpay nang subukan ng Romblon News noon na mag produce ng mga videos na nagpo-promote ng turismo at iba’t ibang featured stories na maipagmamalaki ng ating bayan at lalawigan sa pangkalahatan. Sa ngayon, bilang pagtugon sa aming adhikain na pagandahin at palakasin pa lalo ang aming pagbibigay ng serbisyo para sa mga mamamayan, muli naming ihahandog ang serbisyong ito, sa mas pinalakas at pinagandang format, ang RNN.TV.
Ngayong Sabado nga, July 23, 2016 ay ating mapapanood ang unang episode ng tambalan nina Engr. Ressie Fos at Mr. Emmanuel ‘Awe’ Eranes para sa programang ‘Pag-usapan Natin Online!’ – isang multi-topical talkshow na tatalakay sa iba’t ibang isyu sa lalawigan, magbibigay daan para sa mga pulso at panawagan ng mamamayan at magbibigay ng kaalaman at balita para sa publiko.
Ang RNN.TV ay inaasahan ding sasaklaw sa iba pang mga serbisyo tulad ng pagbabalita at dokyumentaryo.
