by Dennis Manzo, Philippine Information Agency | Friday, 08 July 2016
Ang mga kawani ng Professional Regulation Commission (PRC)-Lucena ay magsasagawa ng pagpoproseso ng aplikasyon para sa 2016 Licensure Examination for Teachers (LET) at renewal ng lisensiya sa PRC.
Ayon sa Public Employment Services Office (PESO)-Romblon Provincial Office, ito ay sisimulan sa ika-9 hanggang ika-10 ng Hulyo 2016 na gaganapin sa Romblon State University (RSU) Main campus, Odiongan, Romblon.
Layunin nitong alalayan ang mga nagtapos sa kursong Education na kukuha ng eksaminasyon at upang hindi na lumuwas pa ng Lucena at Maynila, ang mga lugar kung saan isinasagawa ang eksaminasyon.
Inaasahan na maraming Education graduates at mga government employees ang mabibigyan ng serbisyo ng PRC para makapag-file ng aplikasyon at makakapag-renew ng lisensiya sa PRC.
Malaking pasasalamat ng PESO Romblon Provincial Office sa pamumuno ni Gng. Alice C. Fetalvero sa pamunuan ng PRC Lucena dahil kada taon ay nagsasagawa ito ng ganitong uri ng aktibidad sa lalawigan ng Romblon.
