by Paul Jaysent Fos, Romblon News | Friday, 01 July 2016
Nasabat ng mga operatiba ng Odiongan Municipal Police Station sa pangunguna ni Police Inspector Manuel Fernandez ang apat na 5 pakete na may lamang marijuana sa bahay ng isang hinihinalang pusher ng marijuana sa Barangay Tumingad, Odiongan, Romblon.
Nakilala ang suspek na si Ron Clyde Paraguison, 26 taong gulang, residente ng nasabing Barangay at nasa Top 5 drug personality ng bayan ng Odiongan batay sa lista ng kapulisan.
Nakuha sa suspek ang 4 na silyadong sachet na may lamang marijuana at isang sachet na may bawas na, ilang drug paraphernalia, cellphones, at pera na nagkakahalaga ng P3,820.
Inamin naman ng suspek na sa kanya ang mga nakuhang marijuana at sa Manila kinukuha ang mga ibinibenta niya.
“Titigil na rin po ako sa pag gamit niyan,” ayon sa suspek ng tanungin ng Romblon News Network kung hindi siya natatakot kay Duterte.
Dinala rin sa presento ng mga awtoridad ang babaeng di umanoy ay kasintahan ng suspect dahil naabutan ito na kasama ang suspect.
Ayon kay Police Inspector Manuel Fernandez ng Odiongan Police, maging handa na ang mga pusher dahil simula ngayon na si Duterte na ang presidente mas paiigtingin nila ang paglaban sa illegal na druga sa Odiongan.
