Pinagkalooban ngayong araw ng Romblon News Network ang mga residente ng Sitio Salog, Barangay Canduyong sa bayan ng Odiongan sa Tablas Island ng isang jetmatic pump at ilang tubo para sa kanilang problema sa patubig.
Masayang sinalubong ng mga residente sina Paul Jaysent Fos, Romblon News Senior Correspondent at Emmanuel Eranes ng Radyo Natin Odiongan.
Matagal ng problema ng mga taga-Sitio Salog ang tubig dahil ang pinagkukunan ng source ng halos buong Sitio ay iisa lamang, ang maliit na sapa sa baba ng mataas nilang lugar sa Barangay Canduyong.
Nagpasalamat naman ang mga residente ng nasabing Sitio dahil sa tulong na ipinagkaloob ng Romblon News Network.
Sa pahayag ni Paul Jaysent Fos, Senior Correspondent at Founder ng Romblon News Network, sinabi nito na hindi lamang balita ang ibinibigay ng Romblon News Network sa mga readers nito kundi totoong public service rin katulad ng pagtulong sa mga nangangailanga at sa pagtulong sa ilang problema ng ilang readers na kayang ipaabot ng pahayagan sa mga government agencies.
