by Paul Jaysent Fos, Romblon News | Satuday, 16 July 2016
Apat sugatan kasama ang dalawang estudyante matapos masangkot sa banggaan ng dalawang motorsiklo sa bayan ng Looc, Romblon nitong gabi ng Biyernes.
Nangyari ang aksidente sa kurbadang kalsada sa Barangay Limon Norte.
Ayon sa imbestigasyon ng Looc Municipal Police Station, binabagtas umano ni Ron Solano Arcasitas, 21 taong gulang, estudyante ng Romblon State University dala ang kanyang Honda XRM 125 na motorsiklo ang kurbadang kalsada sa Brgy. Limon patungong Poblacion, Looc ng masalpok ng kasalubong na motorsiklong Suzuki Smash na sakay sina Lucky Jay Casimero, estudyante ng Alcantara Trade School at Rey Alam, 19, pawang residente ng San Jose, Romblon at si Noel Moleta, 19 residente ng San Andres, Romblon.
Na miscalculate umano ng driver ng Suzuki Smash ang kalsada kaya nasalpok ang kasalubong na motor ni Arcasitas.
Isinugod ang apat sa Don Modesto Fomilleza Sr. Memorial Hospital para gamutin ngunit inilipat rin agad sa Romblon Provincial Hospital dahil sa kalagayan nila.
Batay sa nakuhang impormasyon ng Romblon News Network, dadalhin ang dalawang sakay ng Suzuki Smash sa Kalibo sa Aklan dahil sa natamong injury sa ulo.
