Hinuli at ikinulong ng mga tauhan ng Alcantara Police sa pangunguna ni Police Senior Inspector Sandy Falcutila ang dalawang residente ng barangay Calagonsao.
Ayon sa nakuhang police report ng Romblon News Network, nitong gabi umano ng July 13, nakita umano ng barangay tanod na si Edga Antonio ang dalawang lalake na nakilalang sina Randy Maligo Jr. at John Peter Placito sa labas ng kanyang bahay na sinsia ang isang monoblack chair sa national road sa labas ng kanyang bahay.
Sinita niya umano ang dalawa ngunit hindi nagpaawat at hindi siya pinansin.
Tumungo umano sa safety box ng isang street lights si Maligo at binuksan ang cover nito tapos pinatay-sindi ang ilaw na naging dahilan sa pagkasira nito tsaka umalis.
Ayon sa source ng Romblon News Network, ang dalawa ay kabilang umano sa listahan ng mga drug users na ibinigay ng kanilang barangay captain sa kapulisan at maaring ito ang dahilan kung bakit nagalit at nagwala ang dalawa.
Nakatakdang kasuhan ang dalawa ng malicious mischief.
Hawak ang kaso ni PO2 Aries Miñano.
