by Paul Jaysent Fos, Romblon News/Photo Courtesy: Vincent Fallarna Jr. | Thursday, 07 July 2016
Nasunog ang control room ng Odiongan Telephone Corporation (OTELCO) sa bayan ng Odiongan pasado ala-una ngayong hapon ayon sa report ng Bureau of Fire Protection-Odiongan.
Nagsimula ang sunog 1:10 ng hapon at naapula matapos ang sampung minuto.
Agad namang naapula ang apoy ng mga empleyado ng Odiongan Telephone Corporation (OTELCO) gamit ang fire extinguisher.
Ayon kay Fire Officer 3 Philip Factor ng BFP-Odiongan, isang peripheral circuit board na nagkakahalaga ng halos P200,000 ang nasunog sa control room dahil umano nag overheat ito.
Patuloy namang inaalam ng pamunuan ng OTELCO kung malaki ba ang magiging epekto ng nasunog na gamit sa mga costumers nito.
