Lumapit sa Romblon News Network ang limang (5) bagong graduate ng Romblon State Univesity Main Campus matapos na mabiktima sila nitong nakaraang buwan ng isa umanong staff ng McDonald's, isang sikat na Fast Food Chain sa Pilipinas.
Kwento ng isa sa mga nabiktima, nakasabay umano ng ina sa mga nabiktima nito ang suspek na kinilala lamang nilang si Seddrick sa barko galing Odiongan patungong Batangas at napagusapan nilang nag hahanap nga umano itong si Seddrick ng mga staff para sa itatayong branch ng McDonald's sa bayan ng Odiongan.
Kinuha umano ng ina ang number ni Seddrick at ibinigay sa kanyang anak para mag apply.
Agad namang nag apply ang tatlo sa mga nabiktima at nagbigay ng P1,100 at pinadala sa pamamagitan ng Palawan Pera Padala para umano sa medical clearance nila.
Ayon umano kay Seddrick, maghanap pa umano ng ibang kasama ang tato para madami silang maipapasok at maipapadala sa Lipa City sa Batangas para mag training.
Agad namang naghanap ng dalawa pang kasama ang tatlo at nakuha nila ang tiwala ng dalawa pa nilang kaklase nitong college na mag apply rin.
Nagpasa ng requirements ang dalawa at ipinadala rin sa Palawan Pera Padala ang P1,100.
Pangako umano ni Seddrick n pupuntahan sila sa Odiongan pagdating ng 2nd Week ng May ngunit hindi dumating itong si Seddrick dahil sa rason umanong busy pa siya sa Mindoro kung saan naghahanap rin umano siya ng ilan ipapasok sa itatayo umanong branch sa Odiongan.
Dito na naghinala ang limang bagong graduate at nakipag-ugnayan na sa head office ng Mcdonald's sa Metro Manila.
Ayon sa nakausap nilang HR sa Manila wala naman umanong naghahanap ng staffs sa Odiongan at Mindoro para sa itatayong branch at hindi sila naniningil ng pera sa mga gustong mag apply. Pinayuhan rin sila na huwag ng makipag ugnayan sa nasabing lalake dahil maaring mudos lamang ito.
Sinabi rin ng Mcdonald's na wala na silang branch manager na Seddrick ang pangalan dahil yung Seddrick umano na branch manager noon sa Mindoro ay tinanggal na dahil may mga kaso.
Agad namang tinawagan ng lima ang suspek na si Seddrick at nakiusap na ibalik nalang ang pera ngunit nag-antay lang sila sa wala.
Ngayon, naglabas ang Mcdonalds ng advisory sa Odiongan na walang mga ganung recruitment na ginagawa ang pamunuan nila at hindi sila naniningil ng pera sa mga gusto mag apply sa kompanya.
Maari umanong may iba pang nabiktima ang nasabing illegal recruiter sa Odiongan, ayon sa 5 nabiktima.
