by Paolo Mendoza, Romblon News | Thursday, 16 June 2016
Makakaranas ng brownout ang halos buong bahagi ng Tablas Island sa araw ng Sabado, June 18, ayon sa pamunuan ng Tablas Island Electric Cooperative Inc. o TIELCO.
Sa unang advisory na kanilang nilabas, makakaranas ng brownout mula 8:45 ng umaga hanggang 10:45 ng umaga ang Brgy. Gabawan hanggang Brgy. Panique sa Odiongan, buong bayan ng San Andres, Calatrava, at San Agustin; ganun rin ang Brgy. Pato-o sa Odiongan, buong bayan ng Santa Maria, at Barangay Lawan hanggang Calagonsao sa Alcantara.
Ayon sa TIELCO ito umano ay para bigyang daan ang ilang construction sa planta sa Barangay Batiano sa Odiongan.
Sa ikalawang advisory, makakaranas naman ng brownout ang buong Barangay Batiano sa Odiongan mula 8:30 ng umaga hanggang 12:00 ng tanghali sa parehong araw.
