by Paul Jaysent Fos, Romblon News | Monday, 20 June 2016
Sa kulungan na matutulog ngayong gabi ang isang lasing na lalake sa bayan ng Odiongan matapos na mag-amok ng saksakan sa isang inuman sa isang birthday party sa Barangay Pato-o ng nasabing bayan dahil ayaw umano siyang pakantahin sa videoke.
Nakilala ang suspek na si Jeric Galangera, 23 taong gulang, at residente ng nasabing Barangay.
Sa kwento ng ilang nakasaki sa pangyayari, pasado alas-9 ng kagabi, June 19, nakikipag-inuman umano si Galangera sa iba pang imbitado sa handaan nang bigla umano itong bumunot ng patalim at inundayan ng saksak ang ilan niyang kainuman matapos makipagtalo dahil sa gusto niyang kantahin ang kanta sa videoke.
Nagtamo ng sugat sa tenga ang dalawang biktima na nakilalang sina Orlando Urbano, 29 taong gulang at si Daniel Fajilan, 21 taong gulang.
Ayon kay Soriano, umawat lang umano siya kay Galangera ngunit pati siya umano ay tinamaan rin ng patalim.
Agad namang nahuli ang suspek ng mga tauhan ng Odiongan Municipal Police Station matapos magtangka umano itong tumakas matapos na bugbugin ng ilan pa niyang kainuman.
Pagkaklaro ng suspek, hindi naman niya umano sinaksak ang dalawa at siya umano ang binubug ng mga nakainuman.
Ayon kay Police Inspector Manuel Fernandez Jr. ng Odiongan MPS, mahaharap ang suspek sa dalawang count ng frustrated murder.
