Kaugnay sa selebrasyon ng 1st Founding Anniversay ng Romblon Solid Group (RSG) – isang Facebook Group ng mga Romblomanon sa Pinas at abroad, namigay ng mga gamit pang eskwela, mga grocery items, at pera (cash) sa 39 batang mag-aaral ng Palati Primary School, sa Barangay Libertad, Odiongan, Romblon noong ika-8 ng Hunyo taong ito. Kasama ring binigyan ng RSG ang mga magulang ng mga bata ng tsinelas.
Ang Romblon Solid Group (RSG) ay nagsimula bilang isang grupo sa Facebook na nagiging tambayan ng mga Romblomanon, nakararami ay mga Odionganons na nakatira o nagtatrabaho sa Pinas at sa ibang mga bansa, dahil sa mga masasayang usapan at pagsasariwa ng mga lokal na kultura at mga kwento.
Itinatag ang RSG noong June 9, 2015 ni Marlyn Falcunit Espiritu, isang OFW sa Dubai. Dahil sa mga masasayang kwentuhan at biruan sa social media group na ito, dumami ang mga myembro at pinagkaisahan na gawing isang pormal na organisasyon na ipapatala sa Securities and Exchange Commission (SEC).
Sa ngayon ay umaabot na sa 1,838 ang mga myembro ng RSG. Ang mga opisyal ng RSG ay kinabibilangan nina:
President – Arnel Fesarit
Vice-President – Darie Famadico
Secretary – Vicky Fabello
Treasurer – Epzky Forcado
Auditor – Edwin Abid
P.R.O. – Patrick Sumabat
Muse – Edna Salivio
Advisers:
Hon. Romeo ‘Chow' Chua, Jr.
Engr.Ressie S.Fos
Adviser/Consultant – Rodney James Forca
Founder/CEO – Marlyn Falcunit Espiritu
Sa unang programang ito, pinapasalamatan ng RSG ang mga tumulong at sponsors at pakikiisa ng lahat ng mga opisyal at kasapi na naging daan upang maging matagumpay itong proyekto at ang selebrasyon ng kanilang anibersaryo.
Bilang pasasalamat, ginawaran naman ng ‘Certificate of Appreciation' ng pamunuan ng Palati Primary School ang RSG para sa kanilang programang pagtulong sa mga mag-aaral at magulang.
Umaasa pa ang RSG na marami pang mga katulad na programa ang kanilang itataguyod sa hinaharap.
