by Dennis Evora, Romblon News | Friday, 22 April 2016
Pumunta ngayong araw, April 22, sa bayan ng Sibale ang GMA Kapuso Foundation para mamahagi ng mga gamit pang eskuwela sa mga estudyante ng mababang paaralan.
Ang grupo na pinangungunahan nina Ms. Princess Abadilla at Mr. Allen Santiago ay dumating sa isla pasado alas-diyes y media ng umaga galing ng Mindoro lulan ng sasakyang pangdagat ng Philippine Coast Guard – Pinamalayan.
Sa Barangay Calabasahan dumerecho ang GMA Kapuso Foundation at doon ipinamigay ang dala nilang mga gamit para sa mga mag-aaral sa tulong ng mga guro at ilang miyembro ng kapulisan.
Nagtagal lamang ng halos dalawang oras ang programa at agad ding umalis ang grupo pabalik ng Manila pagkatapos maipamigay ang mga gamit at makapanayam ang ilang mga mag-aaral at residente.
Ang nasabing proyekto ay bahagi ng Unang Hakbang sa Kinabukasan ng nasabing foundation.
