by Paul Jaysent Fos, Romblon News | Monday, 25 April 2016
[UPDATED: 7:10AM] Nailigtas na ng mga tauhan ng Alcantara Municipal Police Station ang isang babae matapos na makidnap at pagnakawan ng hinihinalang dalawang lalake.
Ayon sa kwento ng babaeng biktima, 9:30 palang umano ng umaga nang siya ay kidnapin at pagnakawan sa kanilang bahay sa Sitio Magsupot, Barangay Calagonsao sa nasabing bayan.
Sa kwento naman ng ama ng biktima, sinabi nitong nadiskobre lang nilang nawawala ang anak nila nang umuwi sila pagka-hapon, hinanap umano nila sa bahay at wala at ilang beses tinawagan at pinadalhan ng mensahe sa cellphone.
Sumagot umano ang dalaga at sinabing kinidnap siya at dinala sa kabundukan ng nasabing Barangay at nailigtas pasado alas-8 na ng gabi ng mga rumisponding residente.
Aabot sa mahigit 20 thousand pesos ang natangay ng mga suspek na hanggang ngayon ay hindi pa nakikilala.
Hindi naman sinabi sa report ng mga kapulisan kung ginahasa ang dalaga ng mga suspek.
