Matapos ang ilang buwang paghihintay, opisyal nang inanunsyo ni Jun C. Fradejas ng RCF Productions na pasok na opisyal nang kandidata ng MIss Philippines Earth 2016 si Kattline Joy Eranes ng Looc, Romblon.
Si Kattline ang itinanghal na MIss Philippines Earth-Romblon noong nakaraang taon matapos ang mabusising pageant na ginanap sa bayan ng Odiongan.
Sa post ng RCF Productions, sinabi nilang ito ay bunga nang kanilang pinaghirapang pagkuha sa franchies sa Carousel Productions Inc. at Miss Earth organization.
Ang pagkakaroon ng kandidata ng Romblon para sa Miss Philippines Earth ay pangalawa na para sa lalawigan.
“Kaya bigyan po natin ng pagpapahalaga ang ganitong achievements. Hindi po ito ganun kadali gawin. Sa halip magtulungan po tau na makilala sa larangan ng pagandahan Hindi lng sa Pilipinas kundi sa buong mundo.” pahayag ng RCF Productions sa kanilang Facebook Page.
Noong 2012 naging pambato ng Romblon si Margaret May Llavor ng Sibuyan Island sa parehong pageant.
Matatandaang nitong 2014 rin ay naiuwi rin ni Miss Maria Fee Tajaran ng Calatrava, Romblon ang isa sa mga korona ng Miss Tourism World Philippines 2014 at ngayong taon ay itinanghal na Mister Culture World 2016 si Bob Royo ng Sibuyan Island sa ginanap na pageant sa Malaysia.
