by Geraldine Galicia, Romblon News | Tuesday, 14 March 2016
Namatay ang dalawang lalake sa Alcantara nitong nakaraang linggo matapos na atakihin ng heatstroke habang naglalaro ng basketball sa Alcantara Gymnasium.
Nakilala ang mga nasawi na sina Jomar Dumalague at Dave Galagata, residente ng Barangay Madalag at Barangay Bonlao.
Ayon sa kwento ng mga nakasaksi sa pagkamatay ni Dumalague, pagkatapos umano niyang maglaro ng basketball ay uminum agad siya nang tubig at bigla nalang umano siyang natumba, naisugod pa sana sa Hospital si Dumalague ngunit binawian rin siya ng buhay.
Binawian rin ng buhay si Galagata habang nag hahanda para sa kanyang pagpasok sa palarong Inter-Barangay Basketball sa Alcantara Gymnasium nang bigla siyang atakihin ng heatstroke.
Ayon sa mga kamag-anak ni Galagata, umuwi lang sana siya sa Romblon upang sumali sa nasabing palaro.
Patuloy naman ang paalala ng Philippine Atmospheric, Geophysical and Astronomical Services Administration (PAGASA) sa maaring maging epekto ng sobrang init nang panahon dahil sa El Niño.
Ayon kay Vicente Malano, acting administrator ng PAGASA, ugaliin umanong uminum ng tubig at huwag magpapainit kung tirik na tirik ang araw dahil maaring makasama ito sa katawan.
