by Stephanie Fajutag, Romblon News | Wednesday, 03 February 2016
Tatlong motorsiklo nanaman sa Itud-Bukid sa Concepcion Norte sa bayan ng Santa Maria ang naaksidente pasado 7:30 ng umaga ngayong araw.
Sa report ni Rowell Perez sa Romblon News, sinabi nitong magkasunod-sunod na na-slide ang tatlong motorsiklo na lulan ang ilang estudyante na patungo sana sa kanilang paaralan.
Nagtamo ang mga estudyante ng gasgas sa katawan dahil sa aksidente.
Matatandaang dalawang beses na ibinalita ng Romblon News ang sunod-sunod na na aksidente sa lugar dahil sa madulas na kalsada.
Nangangamba naman ang ilang mga dumadaan sa nasabing kalsada na baka marami pang mangyaring aksidente sa lugar kung walang gagawin na hakbang ang Local Government Unit ng Santa Maria at ang Department of Public Works and Highway.
