Nang dahil lamang sa isang tingin at pa-cute, nabuo ang tambalang Alden Richards at Maine ‘Yaya Dub’ Mendoza o mas kilalang Aldub ng Eat Bulaga.
Ilang buwan matapos na sumikat si Yaya Dub sa TV, bigla namang nag trend online ang ilang post na nagsasabi na nasa Romblon ang sikat na si Maine ‘Yaya Dub’ Mendoza katulad nalamang sa post ng mga tauhan ng Rural Health Unit at Office of the Treasurer ng San Agustin.
Ito na ang sagot, may sariling Yaya Dub ang Romblon at ito ay sa katauhan ni Sherlyn Rutor ng Sta. Maria, Romblon.
Sa unang tingin sa kanyang mga litrato hindi mo mapapansin na hindi pala si Yaya Dub ang nasa larawan.
Si Sherlyn ay ipinanganak noong April 09, 1994 sa bayan ng Sta. Maria, at nagtapos ng college sa Romblon State University noong 2014.
