by Paul Jaysent Fos, Romblon News | Thursday, 26 January 2016
Lumubog kaninang umaga kahit na nakadaong sa Dangay, Roxas Port sa Mindoro ang pumpboat na M/B Thunder na naglalayag galing Odiongan patungong Mindoro at pabalik dahil umano sa malalakas na alon na bumabayo sa pantalan.
Ayon sa nakalap na impormasyo ng Romblon News, pasado alas-4 ng umaga nangyari ang insidente.
Ligtas naman ang mga pahinante ng nasabing pumpboat dahil wala naman umanong tao sa loob ng bangka nang manyari ang nasabing insidente.
Palaisipan naman sa ialng mga suking pasahero ng nasabing pumpboat kung ano na ang kanilang sasakyan patungong Mindoro dahil ang nasabing pumpboat lang umano ang madalas na maglayag galing Odiongan.
Simula pa nitong Linggo ng umaga ay nakataas na ang Gale Warning ng PAGASA sa mga probinsya ng Mindoro at Romblon ganun na rin sa ilang bahagi ng MIMAROPA dahil sa malakas na hanging Amihan kaya hindi na pinayagang maglayag ang nasabing bangka paalis ng Dangay, Roxas Port.
