by Ken James Fadriquela, Romblon News | Thursday, 17 December 2015
Isang sugatan na dolphin na napadpad kaninang hapon sa baybayin ng Barangay Tabin-Dagat sa bayan ng Odiongan ang nailigtas ng mga tauhan ng Bureau of Fisheries and Aquatic Resources.
Ayon sa BFAR, ang nasabing dolphin ay may bigat na halos 20kls at may haba na halos 4.5ft.
Pahirapan ang pag rescue sa nasabing dolphin dahil sa mabigat ito at kulang ang gamit ng mga tauhan ng BFAR upang maiahon upang magamot ang dolphin. Isa na rin sagabal sa pag rescue ay ang may kalakasan pang alon sa dagat.
Gumamit pa sila ng kumot, life jacket, at at stretcher ng tao upang mabuhat lang ang dolphin.
Ilan namang mga residente ng lugar ang hindi mapakali sa nakitang dolphin at inantabayanan talagang maiahon ang dolphin upang makuhaan ng litrato.
Isinakay ang dolphin sa patrol car ng pnp patungo sa Barangay Canduyong kung saan siya gagamutin at aalagaan pansamantala.
Ayon pa sa tauhan ng BFAR, may sugat ito sa likod at maaring nalambat umano ng mga mangingisda kaya napunta sa pangpang.
