by Dennis Evora, Romblon News | Wednesday, 23 December 2015
Bigla na lang namatay ang makina ng pampasaherong bangka na MB Falcon habang bumabiyahe ito mula Sibale patungong Pinamalayan, Or. Mindoro ngayong umaga ng Miyerkyles.
Lulan ng nasabing bangka ang nasa 50 pasahero at mga tauhan nito. Kaagad namang na-rescue at nahila ng isa pang pampasaherong bangka na MB Sampong ang MB Falcon pabalik ng Sibale. Laking pasasalamat na lang ng kapitan dahil halos magkalapit lang ang dalawang bangka ng mamatayan ng makina ang huli kaya kaagad itong nabalikan.
Pagkadaong sa port ng Brgy. Sampong ay agad ding pinalipat ang mga pasahero ng MB Falcon sa MB Sampong upang bumiyahe na ulit ang huli papuntang Pinamalayan. Sa huling update ng Romblon News ay umandar naman ulit ang makina ng Falcon pero minabuti na ng pamunuan nito na ibalik na lang sa port ng Poblacion para masuri ng mabuti kung ano ang naging problema.
