by Paul Jaysent Fos, Romblon News | Saturdy, 10 October 2015
Muling sinanay ng tauhan ng Department of Social Welfare and Development MIMAROPA (Mindoro, Marinduque, Romblon and Palawan) ang mga enumarators ng programang Listahanan sa buong lalawigan ng Romblon kahapon, October 09.
Dinaluhan ito ng mga enumarators na galing pa sa Sibuyan, Romblon, at buong Tablas Island.
Ayon kay Jason Oliverio, Information Officer ng DSWD MIMAROPA, kinakailngan ng muling pagsasanay ng mga enumarators dahil may mga cases na minsan kulang ang nakukuhng information ng mga enumarators kaya ibinabalik ng mga encoder at nakakaapekto sa pagtukoy sa mga totoong mahihirap sa probinsya.
Nagbahagi rin si Oliverio sa mga enumarators ng mga techniques kung paano kumuha ng mga impormasyon ng mga kinakausap sa tamang pamamaraan.
Sinabi naman ni Oliverio ng kapayanamin ng Romblon News na tapos na ang assesment sa buong Romblon at meron nang paunang listahan na hawak ang DSWD.
Ang mga ito ay ilalagay sa mga bulletin board ng bawat barangay hall upang malaman ng mga nakakarami at magkaroon ng pagkakataon ang ibang hindi napasama na magreklamo.
“Yung ibang mahihirap kasi minsan hindi nalilista, siguro dahil hindi napuntahan ng enumerators. So ipupublish namin ang mga ito sa mga barangal hall upang makita nila at kung sa tingin nila ay mahirap sila at dapat ay kasama sa listahan, kinakailangan nilng pumunta sa mga MSWDO sa kanilang munisipyo upang mag-fill up ng form.” pahayag ni Oliverio.
Hinihikayat rin ni Oliverio na i-reklamo ang mga sa tingin nila ay mayayaman na napasama sa listahan.
“May iba ring mayaman naman talaga na napapasama sa listahan. May pagkakataon na ang iba na ireklamo sila kung kung tingin nila ay hindi sila dapat nasa listahan.” pahayag ni Oliverio.
“Kung walang mag reklamo, walang aaksyunan.” dagdag pa ni Oliverio.
