Pumanaw sa edad na 71 si Magdiwang Mayor Ibarra ‘Baring' R. Manzala dahil sa sakit na lung cancer.
Ito ay kinomperma ni Ms. Trina Firmalo, anak at executive officer ni Governor Eduardo Firmalo sa text message na pinadala sa Romblon News.
Ayon kay Firmalo, pumanaw si Mayor Manzala kagabi matapos ang paglaban sa stage 4 na cancer. Na-confine umano si Manzala sa Philippine Heart Center bago ito bawian ng buhay.
Kasalukuyang naka-burol sa Loyola Chappel sa Quezon City ang labi ni Mayor Manzala.
Ayon sa source ng Romblon News, September 17 ililibing si Mayor Manzala sa Manila at hindi na iuuwi sa Sibuyan Island.
Si Mayor Manzala ay miyembro ng Nationalista Party at nanalo bilang mayor ng Magdiwang noong 2013 election.
