by Joseph Gutierrez, Romblon News | Friday, 25 September 2015
Pahirapan parin ang mga motoristang dumadaan sa Barangay Taclobo sa San Fernando, Romblon matapos masira ng rumaragasang tubig baha ang isang bahagi ng kalsada sa lugar. Ang nasabing tubig baha umano ay galing sa umapaw na Cantingas River na tumaas ang tubig dahil sa maraming buhos ng tubig sa lugar.
Halos ilang araw ng inuulan ang bayan ng San Fernando sa Sibuyan Island, Romblon bunsod na rin ng Hanging habagat.
Kahapon, September 24, ilang mga motoristang pinili nalang hilahin ang mga motorsiklo nila at pinababa nalang ang mga sakay upang makatawid lang sa malakas na tubig. Ilang jeep naman at tricycle ang pinilit na daanan ang lugar.
Sinusubukan ng ayusin pansamantala ng mga barangay official at ilang mga residente ang nasabing kalsada upang maari ng daanan ng mga motorsiklo.
