Patay ang isang lola sa sa bayan ng San Andres, Romblon matapos atakihin siya at ang kanyang anak at dalawang apo ng mga bubuyog nitong Huwebes, April 05.
Kinilala ang nasawi na si Clarita Roa, residente ng Barangay Mari Sur.
Ayon sa anak nito na si Jerry, nasa bukid sa Barangay Mari Sur siya at ang kanyang dalawanag anak kasama ang kanyang lola para sana maghanap ng copra ng atakihin ng mga bubuyog.
Nakatakbo umano agad si Jerry at ang dalawa niyang anak ngunit naiwan at nahiwalay umano sa kanila ang matanda.
Hinanap nila ang matanda ngunit natagpuan nila itong puno ng kagat ng bubuyog, sinubukan pang bigyan ng first aid ng isa sa mga apo si Claring ngunit bigo silang isalba ito.
Nakaburol ngayon ang matanda sa bahay nila sa Barangay Mari Sur.
