Inilabas na ng Department of Education Region IV-B MIMAROPA Division of Romblon ang opisyal na listahan ng mga atletang lalahok sa Palarong Pambansa 2026 na gaganapin sa Agusan del Sur mula Mayo 24 hanggang 31, 2026.
Sa kabuuan, aabot sa 56 na atleta ang ipadadala ng Romblon—ang pinakamalaking delegasyon ng probinsya sa kasaysayan ng Palarong Pambansa. Bunga ito ng matagumpay na kampanya ng mga Romblomanon sa nakaraang MIMAROPA RAA Meet 2026 sa Occidental Mindoro.
Mangunguna sa Athletics Secondary Level sina Cyra Rovira, Renz Sevilla, at Wyndel Brix Magracia, habang sa Elementary Level ay kabilang sina Janrey Venancio, Quiel Josh Casulla, Hannes Gabriel Fajarillo, Mereil Vein Gabuna, Avreil Jaaz Pahit, Frantzesca Fate Martino, Casandra Lucas, at Aibhe Kathreen Famodulan.
Sa Archery Secondary Level, lalaban sina Hazel Ace Garciano at Jan Patrick Alindato, habang si Mark Bryan Laboris naman ang pambato sa Arnis. Kinatawan naman ni Erlize Margarette Mortel ang Badminton Elementary, at si Alfhea Sean Bastillador ang sasabak sa Billiards Secondary.
Para sa Chess, sina Elijah Madeja at Roda Ngo ang magdadala ng bandera sa Boys Secondary at Girls Elementary divisions.
Kasama rin ang buong Football Boys Team ng Romblon National High School na binubuo ng 22 manlalaro, kasama ang tatlong reinforcement mula sa Cajidiocan National High School. Samantala, ang Futsal Girls Team ay binubuo ng mga atleta mula Romblon National High School at Looc National High School.
Sa iba pang events, si Andrei Yen Conanan ang sasabak sa Taekwondo Girls Secondary habang si Queen Elizabeth Mortera naman ang pambato sa Lawn Tennis Girls Secondary.
Sasamahan ang mga atleta ng kanilang mga coach kabilang sina Coach Elme John Gacura (Archery), Coach Hadjie Pahit at Coach Phoebe Falcunitin (Athletics), Coach Jennifer Regala (Chess), Coach Joesil Macalisang at Coach Wencel Arvin Sabocojan (Football), at Coach Angelica Mykka Merida (Futsal).
Inaasahan ang mas matinding kompetisyon sa Palarong Pambansa 2026, ngunit dala ng Romblon ang kumpiyansa at momentum mula sa kanilang makasaysayang kampanya sa regional meet.
Discussion about this post