Umakyat sa 4.7% ang headline inflation rate o antas ng pagtaas ng presyo ng mga bilihin at serbisyo sa lalawigan ng Romblon noong August 2026, ayon sa Philippine Statistics Authority (PSA).
Inihayag ito ni Statistical Specialist II Bobby M. Natal sa isang press conference na ginanap sa PSA Office sa Odiongan.
Mas mataas nang bahagya ang 4.7% inflation rate kumpara sa 4.6% na naitala noong July 2026.
Kabilang sa mga pangunahing nagtulak sa pagtaas ng inflation sa lalawigan ang Housing, Water, Electricity, Gas, and Other Fuels, na nagtala ng 6.4% inflation rate. Kabilang dito ang pagtaas ng presyo ng kuryente na 8.6% at LPG na 13.3%.
Pinakamataas naman ang inflation rate sa Transport, na umabot sa 20.5%, na pangunahing dulot ng mataas na presyo ng diesel na 49.6% at gasolina na 27.6%.
Nagtala rin ng 4.5% inflation rate ang Personal Care and Miscellaneous Goods.
Ayon kay Natal, kabilang sa limang pangunahing produkto at serbisyo na may pinakamalaking ambag sa pangkalahatang inflation sa Romblon ang bigas na may 14.4% inflation rate, pamasahe sa pampublikong sasakyan na 25.4%, renta sa bahay na 6.4%, gasolina na 27.6%, at isda na 2.8%.
Kasabay ng pagtaas ng inflation, bumaba sa ₱0.74 ang purchasing power of the peso sa Romblon noong August.
Ibig sabihin, ang halagang ₱100 noong 2018 ay katumbas na lamang ng humigit-kumulang ₱74 batay sa purchasing power na iniulat para sa August 2026.
Discussion about this post