Umabot sa 31 awards ang natanggap ng 13 lokal na pamahalaan sa lalawigan ng Romblon sa ginanap na KILOS Awards ng Department of Social Welfare and Development (DSWD) KALAHI-CIDSS sa Quezon City noong September 18, 2026.
Kabilang sa mga kinilalang LGU ang Cajidiocan, Santa Maria, Calatrava, Ferrol, San Andres, Magdiwang, Romblon, Odiongan, San Jose, San Agustin, San Fernando, Looc at Santa Fe.
Nakatanggap ang Cajidiocan ng Exemplary Support and Participation Award, habang dalawang parangal naman ang iginawad sa Santa Maria, kabilang ang Exemplary Support and Participation Award at Knowledge Management Promising Award.
Dalawang awards din ang natanggap ng Calatrava, kabilang ang Milestone Oriented Planners Award at Exemplary Support and Participation Award. Ganoon din ang Ferrol at San Andres, na kapwa kinilala sa Sustainability Efficiency Award at Exemplary Support and Participation Award.
Sa Magdiwang, kabilang sa mga natanggap na parangal ang Exemplary Support and Participation Award at Exemplary Counterpart Investment Award.
Dalawa rin ang awards ng Romblon (Capital)—Financial Milestone Award at Exemplary Support and Participation Award—habang kinilala naman ang Odiongan sa Sustainability Efficiency Award at Most Supportive LGU Award.
Tumanggap din ng dalawang parangal ang San Jose, kabilang ang Milestone Oriented Planners Award at Sustainability Efficiency Award.
Tatlong awards naman ang natanggap ng San Agustin, kabilang ang KPI Early Wins Award, Most Supportive LGU Award at Outstanding Community Participation Award.
Kinilala rin ang San Fernando sa tatlong kategorya—Exemplary Counterpart Investment Award, Tatak KALAHI Awardee at Emerald Crystal CDD Champion Seal.
Tatlong awards din ang natanggap ng Looc, kabilang ang KPI Early Wins Award, Outstanding Generosity Award at Emerald Crystal CDD Champion Seal.
Pinakamarami sa mga nabanggit na LGU ang natanggap ng Santa Fe, na may limang parangal. Kabilang dito ang Milestone Oriented Planners Award, Best in SPI KKB, SP Impact Award, Sustainability Efficiency Award at Gold CDD Champion Seal.
Ang mga parangal ay pagkilala sa iba’t ibang inisyatiba, suporta, partisipasyon, sustainability, innovation, community participation at pagpapatupad ng mga programa sa ilalim ng DSWD KALAHI-CIDSS.
