Binigyang-diin ng Climate Change Commission (CCC) na hindi dapat nakatuon lamang sa bilis ng pagbangon ang konsepto ng resilience, kundi sa pagbawas ng pinsala at pagkamatay sa tuwing may kalamidad.
Sa kaniyang keynote address, ipinaliwanag ni CCC Secretary Robert E.A. Borje na kailangang i-align ang climate policies sa mga proyekto ng pamahalaan upang maging epektibo ang pagtugon sa mga sakuna.
Aniya, hindi sapat ang paulit-ulit na pagkawasak at muling pagbangon upang masabing tunay na matatag ang isang komunidad.
“…if what we call resilience is simply the ability to be destroyed, and then have the ability to rebuild, and then be destroyed again, and then rebuild again, and then to be destroyed again, and again rebuild.”
“Hindi po ata tunay na resilience yun, ang tawag lang po dun ay survival.”
Ayon kay Borje, ang tunay na katatagan ay nasusukat sa kung gaano kaliit ang pinsala, gaano kabilis ang pagbangon, at gaano kahanda ang mga komunidad sa susunod na kalamidad.
Binigyang-diin din niya ang kahalagahan ng pagsasama ng siyensya at disiplina sa pagpapatupad ng mga plano.
“Tama po may datos tayo. Tayo [ay] may kaalaman. Ang kailangan ay disiplina sa pagpapatupad, without science we are only guessing, and without discipline even the best plans will fail, and if that happens it's a complete waste of our resources, our time, and sometimes it caused us the most precious of all: the lives of our loved ones and our community.”
Dagdag pa ng kalihim, mahalaga ang political will upang maisakatuparan ang mga hakbang na tunay na makababawas sa panganib at pinsala sa mga komunidad, sa halip na umasa lamang sa kakayahang muling bumangon matapos ang bawat trahedya.
Discussion about this post