Umabot sa ₱4.3 bilyon ang naipamahaging conditional cash grants sa ilalim ng Pantawid Pamilyang Pilipino Program (4Ps) sa MIMAROPA noong 2025, na nakinabang ang 204,004 na kabahayan sa mga lalawigan ng Oriental Mindoro, Occidental Mindoro, Marinduque, Romblon, at Palawan.
Batay sa 2025 annual report ng DSWD MIMAROPA, nanatiling mataas ang compliance ng mga benepisyaryo sa mga kondisyon ng programa, kung saan naitala ang 95% education compliance, 96.8% sa kalusugan, at 95.1% sa Family Development Sessions.
Sa usapin ng pag-angat ng kabuhayan, 12,896 kabahayan ang umabot sa self-sufficient level, habang patuloy ang pagbuti ng kalagayan ng karamihan sa mga benepisyaryo.
Bukod sa cash grants, 53,404 kabahayan ang natulungan sa pamamagitan ng iba’t ibang programa ng mga ahensya ng pamahalaan, lokal na pamahalaan, at pribadong sektor, na may kabuuang halagang mahigit ₱130 milyon.
Para sa 2026, tututukan ng 4Ps MIMAROPA ang mas pinaigting na case management, kabuhayan, at digital at financial inclusion upang mas mapabilis ang pag-angat ng mga benepisyaryong pamilya mula sa kahirapan.
