Pansamantalang isasara ng ilang lokal na pamahalaan ang lahat ng sementeryo na kanilang nasasakupan sa darating na UNDAS.
Isa na rito ang bayan ng Odiongan sa Tablas Island.
Batay sa Executive Order 49 ni Mayor Trina Firmalo-Fabic, sarado ang lahat ng pampubliko at pribadong sementeryo sa bayan mula October 30 hanggang November 2.
Ito ay upang maiwasan ang pagkakaroon ng mass gathering sa sementeryo ngayong UNDAS sa ginta ng kinakaharap ng bansa na pandemya ng Covid-19.
Hinihiling ng lokal na pamahalaan na tumungo ng sementeryo ng mas maaga para maiwasan ang posibleng hawaan ng virus.
Papayagan naman ang mga leader ng simbahan at mga kasama nito na bumisita sa sementeryo sa November 1 hanggang 2 para magsagawa ng pagbabasbas sa mga puntod ng mga yumao.
Samantala, may kaparehong kautusan rin na ibinaba sa mga bayan ng Looc at Corcuera.
