Inaresto ng mga tauhan ng Magdiwang Municipal Police Station ang apat na lalaki sa bayan ng Magdiwang sa Sibuyan Island matapos silang maabutan ng mga kapulisan na iligal na nagmimia sa Barangay Dulangan.
Ayon sa Magdiwang Municipal Police Station, nakatanggap sila ng tip nitong May 25 mula sa kanilang Barangay Information Network na nangyayaring iligal na pagmimina sa lugar kaya agad nila itong pinuntahan.
Dito na nila naaresto ang mga suspek at nakuha ang iba’t ibang gamit sa pagmina.
ADVERTISEMENT
Nakakulong na ang apat na pawang mga residente ng nabanggit na lugar.
Mahaharap sila sa kasong paglabag sa Republic Act 7942 o mas kilalang Philippine Mining Act of 1995.
