Isa ang bayan ng San Andres, Romblon sa mga iba't ibang munisipyo sa bansa na napagkalooban ng bagong 1000-gallon firetruck mula sa ahensya ng Bureau of Fire Protection nitong Huwebes, October 15.
Dumalo sa ginanap na virtual distribution at turn-over ceremony sa pamamagitan ng zoom sina San Andres mayor Arsenio “Lolong” Gadon at SFO2 Resty F. Gadon, ang Acting Municipal Fire Marshal ng bayan para pormal na tanggapin ang bagong firetruck.
Ito ang magiging unang firetruck ng bayan. Makakasiguro na ngayon ang mga residente ng San Andres na mas mabilis ng makakapag responde kung sakaling may sunog sa kanilang bayan.
Dumalo sa ginanap na seremonya sina Senator Bong Go, DILG Secretary Eduardo Año, Underscretary Nestor Quinsay, and Chief, BFP Director Jose Embang Jr.
