Sugatan ang isang 12 taong gulang na bata matapos itong masalpok ng motorsiklo noong ika-8 ng Oktobre sa bahagi ng national road sa Barangay Hinugusan, San Agustin, Romblon.
Ang batang pedestrian na itago natin sa pangalang ‘Boboy’ ay tumatawid ng national road nang masalpok ng rider na si Jefrey Alabay Monterde, 25.
Tumilapon ang bata at nagtamo ng sugat sa iba’t ibang bahagi ng katawan dahilan upang agad siyang isugod sa Tablas Island District Hospital para gamutin.
ADVERTISEMENT
Samantala, dinala sa San Agustin Municipal Police Station ang nakaaksidenteng rider na di umano ay walang dalang lisensya para magmaneho ng motorsiklo.
Patuloy ang imbestigasyon ng pulisya sa aksidente.
