Dalawang lalaki ang naaresto ng mga tauhan ng Alcantara Municipal Police Station sa Barangay San Isidro, Alcantara, Romblon kaninang hapon matapos maaktuhan ng mga otoridad na iligal na nagpapasabong ng manok.
Kinilala ang mga naaresto na sina Mark Vincent Patnungon Cajilig, 27, at Darwin Fortunato Catigmot, 40.
Ayon sa pulisya, bandang alas-3:20 ng hapon kanina nang makatanggap ng sumbong ang mga tauhan ng Alcantara Municipal Police Station na nagkakaroon ng iligal na sabong sa nabanggit na Barangay.
ADVERTISEMENT
Nakuha ng mga otoridad sa mga suspek ang dalawang pang sabong na manok, at pera na aabot sa P300.
Agad na dinala ang mga suspek sa Alcantara Municipal Police Station kung saan sila kasalukuyang nakakulong. Mahaharap ang dalawa sa kaukulang kaso.
