Nagsimula na ang month-long diskwento caravan ng Department of Trade and Industry (DTI) sa Romblon nitong Martes, August 11, bilang ayuda sa mga vulnerable at indigent na mga Romblomanong mamimili.
Ang nasabing caravan ay nagsimula sa bayan ng Calatrava kung saan nagdala ang mga taga-DTI ng mga Small and Medium-sized Enterprises na nagbenta ng kanilang mga magaganda at de kalidad na produkto sa murang halaga.
May nasabing caravan ay bayanihan version madalas ginagawang diskwento caravan, kung saan may tema ito ngayong “COVID AID” o Caring Operation for the Vulnerable Indigent and Distressed – Assistance Initiative of DTI.
Ayon kay Mary Grace H. Fontelo, Information officer ng DTI-Romblon, ang ruta ng Diskwento Caravan ngayong taon ay sa Calatrava, San Agustin, Santa Maria, Alcantara, Santa Fe, San Jose, Ferrol at Odiongan.
Inaasahang magtatagal ang nasabing diskwento caravan hanggang September 4.
