Isang lalaki sa bayan ng San Andres, Romblon ang kinitil ang kanyang sariling buhay nitong hapon ng Sabado matapos di umanong iwan ng kanyang girlfriend.
Bandang alas-3 ng hapon nang makita ng kanyang ina na nakabitin ang katawan ng kanyang anak sa isang puno malapit sa kanilang bahay sa Sitio Core, Barangay Poblacion.
Nakabitin umano ang leeg nito sa puno nang makita ng kanyang ina.
Sa pagsisiyasat ng San Andres Municipal Police Station, sinabi ng ina ng lalaki na malungkot at tahimik na ang kanyang anak bago pa man ang pangyayari.
Posible umanong dahilan ng pagpapatiwakal ng biktima ay ang pakikipaghiwalay ng kanyang girlfriend noong May 15 sa kanya.
Sinubukan pang isugod ng mga sumaklolong mga kapitbahay ang lalaki sa San Andres Municipal Hospital ngunit idineklara itong dead on arrival.
