Matapos ang ilang minutong ocular inspection kaninang umaga nina Department of Tourism MIMAROPA Regional Director Danilo Intong at Air Juan COO Francis Enrico Gutierrez sa Azagra airstrip sa Azagra, San Fernando, Romblon; sinabi ni Gutierrez na pwede ang airstrip para sa kanilang seaplane.
Sa pahayag ni Gutierrez, sinabi nitong aasiksuhin nila ang mga papeles para magkaroon na sila ng permit na lumipad patungong Sibuyan Island.
Ang gagamitin umanong eroplano ng Air Juan para sa Azagra ay ang cessna planes na kayang mag sakay ng hanggang sa siyam (9) na tao kada biyahe.
Hindi pa naman klaro kung ano ang magiging ruta ng mga seaplanes na lilipad sa Sibuyan Island.
Nakikipag-usap na rin umano ang Air Juan sa munisipyo ng San Fernando at sa Provincial Government para sa pagsasaayos ng airstrip sa Azagra.
