Isang ambulansya na pagmamayari ng bayan ng San Agustin, Romblon ang nahulog sa isang bangin sa Salingsing Road sa Brgy. Pangulo aa bayan ng Calatrava, Romblon pasado alas-9 kagabi.
Ayon sa Calatrava Municipal Police Station, nakatanggap sila ng tawag na may isang ambulansyang nahulog sa bangin.
Ayon sa report ng Pulisya, natangay umano ang ambulansya ng landslide galing sa bundok kaya nahulog ito sa bangin. Maswerte namang nakalabas agad ang driver ng ambulansya bago ito mahulog. Nagtamo lamangito ng kunting galos.
Ilang oras na nakaranas ng pag-uulan ang nasabing bayan bago mangyari ang landslide.
Sa ngayon, patuloy na nililinis ng mdrrmc ang kalsada para muling madaanan ng mga motorista, habang ang ambulansya ay ipapagpabukas nalang ang pag-hila.
Pinag-iingat naman ng mga tauhan ng MDRRMO ang mga dumadaan sa lugar sa maaring iba pang landslide dahil sa pag-uulan.
