Ginunita rin kahapon, December 12, ang 2016 International Day of Person With Disabilities sa bayan ng Alcantara sa Tablas Island, Romblon.
Ang selebrasyon ngayong taon ay may temang “Disability Inclusive Sustainable Cities and Communities and General Assembly”.
Sa pagdiriwang namigay ng maagang pamasko ang Municipal Social Welfare and Development Office ng Alcantara gayon na rin ang Local Government Unit ng Alcantara sa pangungunan ng alkalde ng bayan na si Eddie Lota at ang Office of the Congressman.
Aabot sa 67 na person with disabilities ang dumalo sa nasabing pagtitipon sa Alcantara Covered Auditorium at ilan rito ay nakatanggap ng wheelchair, bigas at mga groceries.
Isa sa mga tinalakay dito ang paghikayat sa kanila na pumasok sa Alternative Learning System na kung saan sinisimulan na rin ito dito sa bayan ng Alcantara.
