Pansamantala munang inilipat sa Batiao Evacuation Center at sa Harbour Chateau ang aabot sa 143 pasahero ng 2Go Travel na stranded sa Romblon dahil sa bagyong #MarcePH.
Ayon sa facebook post ni Odiongan Mayor Trina Firmalo-Fabic, pansamantala muna silang inilipat sa tulong ng Municipal Disaster Risk Reduction and Management Office at Odiongan Municipal Police Station para may pansamantalang matulugan.
Sinigurado naman ng alkalde na may makakain ang bawat isang stranded sa Odiongan.
“Ang 2Go ang magpapakain sa kanila ngayong gabi habang ang pagkain bukas hanggang mawala ang Typhoon Signal ay aasikasuhin ng Provincial DRRM at Municipal DRRM office.” pahayag ng alkalde.
Tuloy-tuloy rin umano ang pag monitor ng pamahalaang lokal ng Odiongan gayon na rin ang kapulisan.
