Isang lalaki ang nawawala matapos mawalan ng kontak habang ito ay nasa biyahe galing Roxas City, Capiz patungong Tablas Island, Romblon kanina.
Sa nakuhang impormasyon ng Romblon News Network, huling nakontak ang lalaking si Ramil Unarce, 44-taong gulang bandang 5:44 ng hapon kanina at naubusan umano ng gasulina ang kanyang sinasakyang motor banca.
Mag-isa umano siya na sakay ng bangka.
ADVERTISEMENT
Hindi niya rin alam kung saan na ang lokasyon niya.
Ipinaalam na ng kanyang live-in-partner sa pulisya sa Santa Maria, Romblon ang pangyayari at inalerto na rin ang mga pulisya sa ibang bayan.
